«Глобус» тукталышындагы җир асты кичүен кайчан ачачаклар?

"Глобус" тукталышындагы җир асты кичүен апрель аенда яптылар. Объектны капиталь ремонтлау өчен Вахитов проспектындагы юл катламын салдырдылар. "Автомобиль юллары предприятиесе" директоры Марат Анисимов эш барышын көн саен күзәтеп тора - социаль челтәрендә видеолар элә. Хәзерге вакытта анда гидроизоляция эшләре бара. 

"Ярыкларны ямап чыктык. Гидроизоляция тасмалары ябыштырдык. Җир асты юлын җылы саклаучы материаллар, мембраналар кулланып ясыйбыз. Эшләр тәмамлануга таба. Әкренләп штукатурка эшләрен башлыйбыз", - ди ул.  

Исегезгә төшерәбез, быел шәһәрдә "Йорт төзүчеләр бульвары", "Райисполком", "Джумба" һәм "Гидротөзүчеләр урамы" тукталышларындагы җир асты юллары да тәртипкә китереләчәк.