Гөлзада Рзаева китап чыгарган

Чаллының легендар шәхесе, Татарстанның атказанган мәдәният хезмәткәре Гөлзада Рзаеваның китабы чыкты. Аның мөхәррире Сания Сафина. Китап «Голос города» дип исемләнгән, чөнки Гөлзада Рзаеваны Чаллыда һәм Татарстанда «Чаллының тавышы» дип йөртәләр.   

– Бу китап минем турында гына түгел. Анда минем Чаллы, күренекле шәхесләр, якташлык җәмгыятьләре турында чыгышларым, хәтирәләрем тупланган. Минем турында хезмәттәшләремнең истәлекләре дә урын алган. Ул башкарма комитетның мәдәният идарәсе, «Чаллы икмәге» акционерлык җәмгыяте генераль директоры Рафаэль Юнысов һәм Чаллы якташлык җәмгыяте җитәкчесе Альберт Петров ярдәмендә чыгарылды. Күпләр кайдан алырга була дип сорыйлар. Мин китапны сатмыйм, очрашуларда кешеләргә бушка таратачакмын, – диде Гөлзада Рзаева «Голос города» китабы турында.