Haier компаниясе Чаллыда җитештерү куәтләрен арттырырга ниятли

Чаллыда кер юу машиналары җитештерү буенча Haier заводы җитештерү куәтен арттыруны планлаштыра. Хәзерге вакытта җитештерү куәте – көненә 1,6 мең кер юу машинасы. Августтан башлап бу сан 3,2 меңгә кадәр үсәчәк. Ә 2022 ел ахырына 400 мең кер юу машинасы җитештерү планлаштырыла. Компаниядә мондый нәтиҗәләргә икенче сменаны эшләтеп җибәрү исәбенә ирешергә ниятлиләр, бу тагын 100 хезмәткәрне эшкә алу дигән сүз. Хәзерге вакытта бу заводта 250 кеше хезмәт куя. 
Предприятиедә билгеләп үтүләренчә, кер юу машиналары өчен запас частьләрнең яртысы Россиядә җитештерелә, ә чит ил арасында нигездә Кытай җитештергән детальләр. Предприятиедә поставкалар белән проблемалар юк.

Агымдагы елда Haier Чаллыда тагын ике завод ачарга планлаштыра. Суыткыч һәм суыткыч җиһазлар җитештерү буенча бер завод меңгә якын яңа эш урыны тәкъдим итәчәк. 

«Хәзер без суыткыч һәм суыткыч җиһазлар җитештерү буенча акыллы завод ачарга әзерләнәчәкбез. Анда 836 хезмәткәр эшләр дип күздә тотыла, һәм без хәзер аларны эзләү белән шөгыльләнәбез", - дип белдерәләр компаниядә.

Фото: kazan.bezformata.com