Яңа ел бәйрәмнәренә 25 мең кеше килгән

Яңа ел бәйрәмнәренә багышланган чаралар тәмамлану ягында, соңгылары 13 январьдә «Энергетик» мәдәният сарае каршында һәм Азатлык мәйданында узачак.

Декабрь азагыннан алып Чаллыда олылар өчен дә, балалар өчен дә күңелле программалар үтте. Шәһәр мэры Яңа ел бәйрәмнәрен оештыручыларга рәхмәт белдерде.

Әтиләре СВО зонасында һәлак булган 9 бала Россия Президенты чыршысында катнашты. Республика елкасына 300 шәһәрдәшебез барды. Алар арасында уку алдынгылары, олимпиада, конкурсларда җиңүчеләр.

Кышкы көннәрне күңелле һәм файдалы итеп уздырыр өчен 48 шугалак, 13 корт эшли.