Яңа ел төнендә нәрсә кияргә?

Ләкин кайбер күрсәтмәләрне үтәргә киңәш итәбез: 

* Джинса, күн, трикотаж, бәйләнгән әйберләр – санап үтелгәннәрнең берсен сайлагыз һәм экстравагант яки классик образлар булдырыгыз.
* Күлмәк һәм юбка, чалбар белән кыска топ яисә кичке комбинезон – яңа ел фаворитлары. Образда нәфислек күбрәк булса яхшырак. Әгәр дә сез юбка сайласагыз, ул ярымкояш яки миди озынлыгында, яисә тездән түбән булырга тиеш. Ир-атлар исә чалбар һәм килешле, уңайлы свитер-джемпер сайлый ала. 
* Табигый мехтан баш тартыгыз – бары тик эко-мех яисә мамык-каурыйдан декор сайласагыз гына.
* Әгәр дә сез образыгызны бизәкләр белән матурларга уйласагыз, кыйммәтле металларны кертмичә һәм артык ялтыравыксызларын сайлагыз. Ак алтын яки көмеш – Яңа ел образы фаворитлары. Яңа ел киемегез өчен бижутерия дә ярап куярга мөмкин. Ләкин ул сыйфатлы һәм зәвыклы булырга тиеш. 

Нинди прическа һәм макияж ясарга? 

Чәч һәм макияж һәр хатын-кыз өчен аерылгысыз атрибутлар. Чәч формасы артык бөдрә булырга тиеш түгел. Кыска чәчле ханымнар исә чәчләрен бераз күпертеп алсалар була. 
Макияж ясаганда исә күзләрегезгә «басым ясагыз» – алар матур булып әллә каян күренеп торырга тиеш. Иннек сайлаганда куе-кызыл, чия төслеләрен алыгыз. 
Маникюрыгызга килгәндә, ул артык кычкырып тора торган булмасын. Идеаль төс – пастель төсләрдә французча френч. Әгәр теләсәгез, көмеш төстә бизәкләр, кар бөртекләре өстәргә мөмкин.