Яңа гына таныклык алган хатын-кыз баланы бәрдерде

Тукай районы Совхоз Татарстан посёлогында 13 яшьлек баланы «Лада Веста» автомобиле бәрдерде. Яшүсмер җәяүле юлыннан чыккан була. 

Машина хуҗасы - 34 яшьлек хатын-кыз - руль артына 2 ай элек кенә утырган. Тукай районы буенча дәүләт Автоинспекциясе башлыгы Шамил Ганиев әйтүенчә, бу вакыт аралыгында ул бер тапкыр да штрафка тартылмаган.

Хәзерге вакытта зыян күргән яшүсмер Чаллы ашыгыч ярдәм күрсәтү хастаханәсендә. Аның умыртка сөяге сынган. 

Фотолар Тукай районы дәүләт Автоинспекциясеннән алынды