«Яшьлек» проспектында ремонтның кайчан бетәчәге билгеле

Чаллыда юлларны төзекләндерү эшләре дәвам итә. Төзүчеләр «Яшьлек» проспектындагы ремонт эшләрен бер ай эчендә тәмамларга планлаштыралар. 

«Ашыгырга кирәк. Коры, җылы көннәрдә сыйфатлы итеп эшләп бетерү зарур. Мондый һава торышы – эшләү өчен Аллаһы Тәгаләдән зур бүләк. «Яр буе» паркындагы асфальтлау эшләрен дә тәмамларга кирәк. Яңгырлы көннәргә калдырмагыз! Башка эшләрне яңгырлы көннәрдә дә башкарып була. Боровецкий күперендәге эшләрнең бер өлешен тәмамлагыз. «Яшьлек» проспектындагы эшләрне тизләтегез. Әлегә Тынычлык проспектына кадәр ремонтлыйбыз. Киләсе елга Боровецк күперенә кадәр төзекләндерәчәкбез», - диде мэр Наил Мәһдиев хакимияттә узган киңәшмәдә.