Яшүсмер кызны таба алмыйлар

Татарстанда инде өч көн рәттән 17 яшьлек кызны эзлиләр. Тумышы белән ул Минзәләдән. Яшүсмер 21 сентябрьдә югала һәм бүгенгәчә аның кайда булуы билгеле түгел. 

Баланы эзләү хакында мәгълүмат Чаллының «Лиза Алерт» эзләү отряды битендә дә барлыкка килде. Аның буе якынча 160 см, уртача гәүдәле, күзләре коңгырт төстә, чәчләре сары. Өстендә шәмәхә төстәге пәлтә, кара чалбар, аякларында – кроссовкалар. Үзе белән кара рюкзагын алган. Бала турында нинди дә булса мәгълүмат белгән һәркемгә 8-800-700-54-52 номеры буенча шалтыратуларын сорыйлар. Ул башка шәһәрдә дә булырга мөмкин, – ди эзләүчеләр.