Идарә итү компанияләре эшчәнлегеннән канәгать түгелләр

Рейтингны татарстанлыларның шикаятьләре нигезендә төзегәннәр. Зарланулар алдагы ел белән чагыштырганда 35% артык: инспекциягә 24 меңгә якын шикаять килгән. 
Антирейтингта беренчелек Әлмәт районында. Идарәче компанияләрне административ җаваплылыкка тарту турында 39 карар чыгарлыган. Гамәлгә куючыга карата 2 млн 72 мең сумлык штраф язылган.

Икенче урында -  Чаллы. «Ремжилстирой», «Электротехников», «Мәхәллә» идарәче оешмаларына карата – 31 карар чыккан. Чаллы оешмаларын1 млн 62 мең сумга штрафка тартканнар. 

Өченче урында – Түбән Кама.  «Әйбәт» идарәче оешмасына карата 35 беркетмә төзелгән. Оешманы  955 мең сумлык штрафка тартканнар.