Ильмира Нәгыймова: «Энемә кагылмагыз!»

Җырчы Ильмира Нәгыймованың энесе Айнурның махсус хәрби операциядә һәлак булуын хәбәр иткән идек.

Гаиләсенә авыр кайгы килсә дә,  җырчы үзенә көч табып, чыгышларын  дәвам итә. Язылучылары арасында  моңа карата тискәре фикерләр язучылар да бар.

Җырчы аларга үзенең телеграмм каналында җавап бирде:

– Мин җырчы, минем эшем шул. Елап кына утырсам, тормышны алып барып булмый. Миңа балаларымны ашатырга, киендерергә, төрле түләүле түгәрәкләргә йөртергә кирәк. Шуңа күрә, бик авыр булса да, эшләргә тырышам. Эшем миңа көч бирә. Без гаиләдә биш баладан, икәү генә калдык. Мондый кайгыны Аллаһы Тәгалә беркемгә дә күрсәтмәсен! Башта Руслан, аннары Марат Яруллин белән «чәйнәдегез». Зинһар өчен энемә кагылмагыз!» – диде ул.

Җырчыга күпчелек язылучылары теләктәшлек һәм хөрмәтен белдерә, начар сүзләр язучыларга игътибар итмәскә, андыйларны «кара» исемлеккә кертергә киңәш итә. 

Фото видеодан скриншот