Иң күп кан бирүче вафат булган

Дөньяда иң күп кан плазмасын тапшыручы  австралияле Джеймс Харрисон 88 яшендә йоклаган җиреннән вафат булган.  Ул 2 миллионнан артык баланың гомерен саклап калырга ярдәм иткән. 

 Джеймс Харрисон 1954 елда балигъ булгач ук кан тапшыра башлаган.  Аның кан плазмасында йөкле хатын-кызларда резус-конфликт булдырмаучы һәм яралгының гомерен коткарып калучы сирәк очрый торган Anti-D антитәнчек тапканнар. 

Харрисон 1173 тапкыр кан тапшырган һәм 2,4 миллионнан артык сабыйның гомерен коткарган.