Инвалидлар декадасында Чаллыда 140 чара узачак

Чаллыда 43 334 инвалид исәптә тора, шуларның 2 349ы – балалар. Сәламәтлекләре чикле шәһәрдәшләр өчен уңай шартлар булдырылган. Алар яши торган йортларда пандуслар урнаштырылган. Инвалидлар тернәкләндерү үзәкләрендә дәвалана ала, алар өчен төрле һөнәри белем бирү программалары эшли. Махсус операциядән кайткан 3 кеше төрле юнәлеш буенча өстәмә белем алган.

Балалар өчен мәктәпләрдә дә уңай мохит тудырылган. Алар, шулай ук, төрле түгәрәкләргә йөри ала. Укытучылар өйгә килеп тә белем бирә.

1 декабрьдән 10 декабрьгә кадәр Чаллыда инвалидлар өчен төрле мәдәни һәм спорт чаралары узачак.  2 декабрьдә «КАМАЗ» мәдәният сараенда концерт оештырылачак. Ай дәвамында инвалид балалар арасында «Һәрвакыт булсын кояш» иҗади фестивале, «Ярдәм кулы» хәйрия акциясе, спектакльләргә, күргәзмәләргә йөрү каралган.