Ишегаллары һәм парклар өчен тавыш бирәбез

ТР Дәүләт хезмәтләре порталында 2022 елда төзекләндереләчәк иҗтимагый киңлекләр һәм ишегалларын сайлап алу буенча сораштыру бара.

Тавыш бирүдә катнашу өчен порталның баш битендә сораштыру үткәрү турында баннер табып «проголосовать» төймәсенә басарга кирәк.

Тавыш бирү өчен телефон номеры аша теркәлү мөһим. Анкетаны тутырганнан соң, үз районыңны сайлап, 2022 елда төзекләндерергә кирәк дип санаган ишегалдын билгеләү сорала. 

Исегезгә төшерәбез, тавыш бирүдә халык «Безнең ишегалды» республика программасы кысаларында ремонтланачак 200 ишегалдын сайлаячак.

Тавыш бирү 30 майга кадәр дәвам итә.

(Фото yandex.ru сайтыннан алынды.)