Камал театры биш спектаклен репертуардан төшерә

Бу - зур залда барган Мансур Гыйләҗевнең - «Исәнмесез!?», Зөлфәт Хәкимнең «Килә ява, килә ява…» спектакльләре һәм кече залда күрсәтелгән «Тамашачы тамашасы», «Мендәр әкияте», «Малай, бүре һәм Шомбай» сәхнә әсәрләре. Бу хакта Театрның баш режиссеры Фәрит Бикчәнтәев артистларның җәйге ялдан соң үткән труппа җыелышында хәбәр итте. Әлеге спектакльләрнең репертуардан алынуы аларга тамашачы азрак йөрүе белән бәйле.