КАМАЗ белгечләре балалар өчен өч көнлек һөнәрләр марофонын үткәрде

"КАМАЗ" җәмгыятенең яшь белгечләре "Сәләт" халыкара яшьләр форумы рамкаларындагы өч көнлек һөнәрләр марофонында катнашты. Малайлар һәм кызлар форумда катнашучылар өчен ике һөнәри ориентация мәйданы әзерләде, механика җыю эшләре слесаре һәм инженер-технолог һөнәрләрен тәкъдим итте.

200дән артык бала һәм яшүсмер үзләрен төрле һөнәрдә сынап карады. КАМАЗ белән беррәттән "Форд Соллерс" җәмгыяте, Казан вертолет заводы яшьләре һ.б. катнашты.

Марофон Биләр авылының изге чишмәсеннән ерак түгел урында узды,- дип хәбәр итә шәһәр хакимияте матбугат үзәге.