«КАМАЗ» гадәттән тыш хәлгә әзерме?

Алабуга һәм Түбән Камага беспилотниклар һөҗүменнән соң «КАМАЗ» предприятиесе уяу тора. Теракт кебек гадәттән тыш хәл була калса, коткару хезмәтләре ярдәм итәргә әзерме? Моны белү максатыннан предприятие өйрәнүләр уздырды. Легенда буенча Автогигантның җитештерү корпусына беспилотник һөҗүм итә. Бина җимерелә, коммуналь челтәрләр зыян күрә һәм бер кеше җәрәхәтләнә. 

Өйрәнүләрдә йөк күтәрүче, инженер техникалар, электр, газ һәм су челтәрләре буенча техник бригадалар, «Чаллы су каналы», «КАМАЗ-Энерго», «КАМАЗэнергоремонт» һәм сәнәгать объектларын саклау үзәге катнашты. Алар авария урынында ничек эшләячәкләрен, җәрәхәт алган кешегә ничек ярдәм итәчәкләрен күрсәттеләр.

«КАМАЗ» ААҖ генераль директорының куркынычсызлык буенча урынбасары Сирень Галиәкбәров автогигант оешмалары һәм коткару хезмәтләренә югары бәя бирде. Гадәттән тыш хәлләр килеп чыгуга әзерлекне тагын да арттырырга кирәклеген ассызыклады. 

«КАМАЗ» ААҖ фотолары