“КАМАЗ-Мастер” турында клип

Җырчы Елка (чын исеме - Елизавета Иванцив) “Ярты юлда ташламыйм” җырына клип төшергән. Композиция “КАМАЗ-мастер” командасы узышчылары турындагы “Мастер” сериалына саундтрек булган. Видеоклип YouTube видеохостингында чыкты инде.

Өч минутлык видеороликка сериалдан кадрлар, чүл һәм Чаллы күренешләре кергән. Моннан тыш, клипта шәһәр сәүдә үзәкләренең берсе һәм Чаллының хакимият бинасы янындагы күпер янында урам узышлары кадрлары бар.

“КАМАЗ-мастер” командасы турындагы сериалны Россия стриминг киңлекләренең берсендә карарга мөмкин. Шулай ук якын арада күп серияле фильмны НТВ федераль каналында күрсәтергә планлаштыралар.

Элегрәк “КАМАЗ” акционерлык җәмгыяте генераль директоры Сергей Когогин тәкъдиме буенча “Мастер” сериалын төшерүчеләр КАМАЗның хезмәт коллективына нәфис фильмның беренче сериясен тәкъдим итте. Премьера проект продюсеры Федор Бондарчук, режиссер Степан Коршунов, актерлар Аристарх Венес, Линда Лапиныш, Максим Запорожский һәм башкалар катнашында узды.

Фото ачык чыганаклардан алынды.