"КАМАЗ"ның иң яхшы йөртүчесенә "Lada Vesta" автомобиле бүләк итәчәкләр

Чаллыда 17-18 августта КАМАЗ-54901 "КАМАЗ К5 - Россия транспорт компанияләренең йөк автомобильләре йөртүчеләре арасында "КАМАЗ-54901" автомобильләрен экономияле йөртү буенча конкурс узачак, дип язалар "Вести КАМАЗ"а.
Ярышларда Мәскәүдән, Санкт-Петербургтан, Казаннан, Төмәннән, Чабаксардан, Түбән Новгородтан, Екатеринбургтан, Калининградтан, Магнитогорскидан һәм башка шәһәрләрдән 28 кеше катнашачак. Конкурс Чаллы шәһәре картодромында, «Гренада» паркы янында узачак. 
Конкурс биремен катнашучыларга КАМАЗ-54901 автомобилендә Яр Чаллы - Мамадыш - Яр Чаллы маршруты буенча ярымприцеп НЕФАЗ белән башкарырга туры киләчәк. Конкурс трассасының озынлыгы 130 км. 
Конкурс шартлары буенча ягулыкның чыгымнары, заездның дөрес башкарылуы, үтәү вакыты исәпкә алыначак.

Иң яхшы нәтиҗәләр күрсәткән транспорт компаниясе йөртүчесе приз сыйфатында LADA Vesta җиңел автомобилен алачак. Конкурсның абсолют лидеры тәкъдим иткән транспорт компаниясе төп призны - КАМАЗ-54901 магистраль тягач алачак.

Фото: zr.ru