Карбызсыз һәм кавынсыз калганнар

Казан проспектында законсыз сатучыларны тикшерү буенча рейд уздырганнар. Белгечләр алар саткан продукцияне һәм «Газель» машинасын алганнар. Транспортны штрафстоянкага алып киткәннәр, сатучыга карата административ беркетмә төзелгән.  Эшмәкәрләр бары тик рөхсәт ителгән урыннарда гына сәүдә итәргә тиеш. Моннан тыш, тыелган урыннан алынган җиләк-җимеш һәм яшелчәләр сәламәтлеккә зыян салырга мөмкин.