Каз ярминкәләре башлана

16 декабрьдән Чаллыда «Яңа ел казы» дип аталган ярминкәләр башлана.

Алар 16, 17, 23, 24 декабрь көннәрендә узачак. Быел ярминкәләр өчен ике мәйданчык билгеләнгән: Ш.Усманов урамы буенча - Пушкин урамыннан Вахитов проспекты кадәр аралыкта һәм «Төзүче» стадионы янында, дип хәбәр итә мэриянең матбугат хезмәте. Үткәрү вакыты - 8.00 дән 15.00 сәгатькә хәтле. Ярминкәләрдә сатып алучыларга Татарстанның төрле районнарыннан килгән кош ите ассортименты тәкъдим ителәчәк.