Казан аэропортында чикләүләр бетерелде

Казан аэропортында һава судноларын кабул итү һәм җибәрүгә чикләүләр гамәлдән чыгарылды. Шулай ук Чабаксар аэропортындагы вакытлыча чикләүләр бетерелде. Тамбов, Владикавказ, Грозный, Магас, Түбән Новгород һәм Волгоград аэропортлары әлегә ябык.

Чикләүләр гамәлдә булган чорда Казанга рейс башкарган бер самолет запас аэродромга җибәрелгән.
Идел буе транспорт прокуратурасы мәгълүматлары нигезендә, Казан аэропортында Екатеринбург, Мәскәү, Санкт-Петербург, Әстерхан, Уфа һәм Хургадага очучы авиарейслар тоткарланган.

Пассажирлар өчен мобиль кабул итү бүлмәсе оештырылды.