“Көнбагышкай” январь аенда “чәчәк атты” - фотолар

82нче “Көнбагышкай” балалар бакчасы хәзер танымаслык. 44 ел ремонт күрмәгән мәктәпкәчә белем бирү учреждениесе ТР Президенты Рөстәм Миңнеханов карары белән капиталь төзекләндерелде. Ремонтка 1 октябрьдә керешкән деләр. Бу эшне “Профит” компанияләр төркеме башкарды.  

-    Бакчада проблемалар күп иде. Санузеллар килеп чыга иде. Бүлмәләр салкын иде. Төзүчеләр бинаны коры стеналарга калдырып, тулысынча җылытып, җиренә җиткереп төзекләндерделәр, - ди  “Көнбагышкай” балалар бакчасы Резеда Исаева. 

Ремонт ремонт башлангач, балаларны якындагы 4 балалар бакчасына урнаштырып тордылар. Җиһазларны да. Ниһаять, эшләр тәмамланып, үзләренә кайттылар. “Көнбагышкай” бакчасына кунакка шәһәр мэры Наил Мәһдиев тә килде. Ул балалар бакчасының һәр бүлмәсен карап чыкты. Балаларга укыту-тәрбия бирү дәресләре белән дә танышты. Бер төркем ашарга пешерә, икенчеләре мультфильмнар ясый. балалар өчен шөгыльләр күп. 

-    Зур эшләр эшләнгән. Төзүчеләргә рәхмәт! Һәрберегезгә исәнлек-саулык телим. Балаларыгызны яратып, матур итеп тәрбияләп үстерергә язсын, - диде мэр.  
 “Көнбагышкай” бакчасына бүген 285 бала йөри. Тәрбия эшләре саф татар телендә алып барыла. Татар балалар бакчасы статусын ул 1989 елда ала.