Хәзер ул банкка бурычлы.
Чаллыда яшәүче 50 яшьлек хатын-кыз күп акча эшләргә өметләнеп мошенникларга 1 млн 840 мең сум акча күчергән. Монда аның запастагы акчасы һәм кредитка алган финанслары кергән.
Хатын-кыз кыйммәтле кәгазьләр белен «эшләүче» сайтны тапкан. Үзен брокер компаниясе консультанты итеп таныштырган ир-ат төрле номерлардан шалтыратып телефоннан сөйләшкәндә, аны акчаларын бер билгеле оешманың акциясенә инвестициягә салырга ышандыра.
Әлеге «консультант» җитәкчелегендә хатын-кыз 3 ай дәвамында таныш булмаган кеше әйткән реквизитлар буенча өлешләп акчасын күчерә.
Бераз вакыттан соң табышы турында кызыксынып шалтыраткач аңа җавап бирүче булмый инде.
Хатын-кызның полициягә мөрәҗәгать итми чарасы калмый. РФ Җинаятьләр кодексының «Мошенниклык» маддәсе буенча җинаять эше кузгатыла.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев