Күп балалы гаиләләргә – 500 млн сум

Татарстан бюджетында күп балалы гаиләләргә җир кишәрлеге урынына акчалата түләү бирү өчен 500 миллион сум акча бүленгән. Бу хакта Татарстан Республикасы финанслар министры Марат Фәйзрахманов VII чакырылыш Татарстан Республикасы Дәүләт Советының 15нче утырышында хәбәр итте.

«Республика Рәисе Рөстәм Миңнеханов карар кабул итте. Агымдагы елда 500 миллион сум бүлеп бирелә. Киләсе елга бюджет турындагы закон проектында шулай ук 500 миллион сум каралган», - диде Татарстан Финанс министрлыгы башлыгы.

ТР Дәүләт Советының 13нче утырышында депутатлар Казанда һәм Чаллыда даими нигездә яшәүче күп балалы гаиләләргә җир кишәрлеге урынына (үзләренең ризалыгы белән) акчалата түләү бирү турында закон проектын кабул итте.