Күренекле артист вафат

Россиянең танылган актеры Роман Мадянов 62 яшендә вафат булган.  

Якынча мәгълүматларга караганда, Мадянов Мәскәүнең Новогиреево районындагы фатирында үлгән. Аның хәле начараю сәбәпле, сентябрь башында, аның катнашындагы барлык спектакльләр кичектерелгән иде. 

Актерның туганнары SHOT телеграм-каналына, аның яман шештән тыш, коксартроздан (остеоартрозның авыр формасы) интеккән. Романның бот сөяге буыны өлешчә ясалма буынга алыштырылган булган. 

Мадянов «Левиафан» фильмындагы, «Домашний арест», «Солдаты» сериалларындагы рольләре белән күпләргә таныш.