Кысла тоткан өчен 100 сәгать мәҗбүри эшләячәк

Тукай районы суды 37 яшьлек шәһәрдәшебезгә хөкем карары чыгарды. Идел буе транспорт прокуратурасы хәбәр итүенчә, ул судагы биологик ресурсларны законсыз тотуда гаепләнә.

Рәсми рәвештә беркайда да эшләмәүче ир-ат август аенда Камада моторлы көймәдә йөзә.Ул кысла тоту өчен тыелган ятьмәләр ярдәмендә 67 кысла тота. Зыян күләме 7 мең сумнан артып китә.

Ир-ат әлеге сумманы тулысы белән кайтара. Ятьмәләр юк ителә. Җәза буларак ир-атка 100 сәгать мәҗбүри эш билгеләнде. 

Фото https://ru.freepik.com сайтыннан