Майда 9 көн ял бирмәкчеләр

Парламентның түбән палатасы депутатлары Дәүләт Думасына май яллары турында закон проекты кертте. Ул 1-9 май көннәрендә ял итүне күздә тота. Шул ук вакытта Яңа ел бәйрәме атнасын 4 көнгә кыскартырга тәкъдим ителә.

Исегезгә төшерәбез, узган елның октябрендә Татарстан Республикасы Хезмәт, халыкны эш белән тәэмин итү һәм социаль яклау министрлыгы бу елга җитештерү календаре чыгарды. Татарстанда яшәүчеләр быел апрель һәм июнь айларында бер көнгә күбрәк ял итәчәк. Быел Ураза гаете 21 апрельгә, Корбан гаете 28 июньгә туры килә.