Мәктәп укучысы наркотик сатуда гаепләнә

Уфада яшәүче укучы кызны 50дән артык төргәк наркотик белән тоткарлаганнар. Хокук саклау хезмәткәрләре кызның эзенә берничә ай элек төшкән була. 17 яшьлек кыз төнлә «эшкә» чыккач, наркотикларны тапшырганда полиция хезмәткәрләре аны кулга алырга тиеш була. Кыз моны аңлап, алардан качмакчы була. Шунда ук сөйләшүләр барган телефонын да бәреп ватарга тырыша, әмма җитешә алмый. Кызны тоткарлыйлар. Хәзер тикшерү бара.