Мәләкәс аръягында зур мәктәп төзиячәкләр

2025 елда Мәләкәс аръягында тагын бер зур мәктәп төзү планлаштырыла. Бу хакта эшлекле дүшәмбе киңәшмәсендә мэр Наил Мәһдиев хәбәр итте. 

«65нче микрорайонда мәктәп төзелешенә рөхсәт алуга ирештек, хәзер Мәләкәс аръягындагысы турында да уйлар вакыт. Балалар саны арта», – диде мэр. 

Моннан тыш, Чаллыда 16 мәктәп һәм 59 балалар бакчасы ремонтланачак. Бүгенге көндә капиталь ремонт буенча республика программасы кысаларында 5, 9, 10, 28, 56 мәктәпләре, 29 гимназия һәм 78 лицей ашханәләре төзекләндерелә.