Мәрхүмнәр белән хушлашу залы булачак

Шәһәр мэры Наил Мәһдиев дүшәмбе киңәшмәсендә Чаллыда мәрхүмнәр белән хушлашу залы проектының әзер булуын хәбәр итте. 

– Бу бина төзелеп беткәч, мәрхүмнәрне урамга  күтәреп чыгу булмаячак. Алар моргтан хушлашу залына чыгарылачак. Шунда ук ЗАГС белгече үлү турында белешмә, муниципаль оешма хезмәткәре зираттан урын рәсмиләштерәчәк. Кешегә якын кешесен тиешенчә соңгы юлга озату өчен шәһәрнең төрле оешмаларына барып документлар эзләп йөрергә туры килмәячәк. Хушлашу залы янында машина кую урыны да булачак. Онкология үзәге янында моның өчен мөмкинлекләр җитәрлек, – диде ул.