Машина документларын юл камералары ярдәмендә тикшерәчәкләр

Бу яңалык ОСАГО полисына кагыла. Ул 2025 елның 1 мартыннан гамәлгә керәчәк. Баштарак ул эксперимент рәвешендә үтәчәк. Тест чоры вакытында полиссыз йөргән машина хуҗаларына Госуслугидагы шәхси кабинетларына бары кисәтүләр генә киләчәк. Тәҗрибә уңышлы булса, аның дәвамлылыгын кыскартачаклар, ә система тулы форматлы режимда эшли башлаячак, һәм хокук бозучыларга штрафлар белән "Бәхет хатлары" килә башлаячак.