"Мәктәпкә әзерләнергә ярдәм ит!" акциясенә Чаллының "Әбүзәр" мәчете дә кушылды.
Мәчет ишек алдында Комсомол районына керүче "Миләш" бистәсенең мәктәпкә барачак кече сыйныф укучылары өчен бәйрәм оештырылды. Бәйрәмгә килүчеләрне клоуннар каршы алды. Аннан соң мәчет имам-хатыйбы Али хәзрәт Баһаветдин, бистә администрациясе башлыгы Халидә Әхмәтгәрәева балаларны яңа уку елы якынлашу белән котладылар. Бәйрәмгә килүчеләргә уку-язу әсбаплары бүләк иттеләр. "Әбүзәр" мәчете бик матур балалар мәйданчыгына ия. Биредә балалар өчен төрле ял чаралары даими үткәрелеп тора.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев