Мэр Наил Мәһдиев: «Рәхмәт әйтә белергә кирәк!»

Чаллыда торак йортларда капиталь ремонт – 90 процентка, ТР Рәисе Рөстәм Миңнеханов ярдәме белән тормышка ашырыла торган «Безнең ишегалды» программасы буенча быелгы эшләр 80 процентка тәмамланган. 

«Безнең ишегалды» – социаль проект. Ишегалларында эшләр тулысынча тәмамлангач шәһәрдәшләр һәм төзүчеләр катнашында бәйрәм үткәрегез. 30 градус эсседә эшләгән кешеләргә хезмәтләре өчен рәхмәтле булырга кирәк. Мэрның рәхмәт хатларын, премия, истәлекле бүләкләр әзерләгез. Хезмәт кешесенә хөрмәт күрсәтегез», – ди шәһәр мэры Наил Мәһдиев. Башкарма комитет җитәкчесенең беренче урынбасары Илья Зуевка һәм район башлыкларына төзүчеләр өчен бәйрәм оештырырга кушты ул.