Метро каршына чыгып үз-үзенә кул салырга теләгән егетнең хәле ничек?

Метро каршына чыгып үз-үзенә кул салырга теләгән 17 яшьлек егет хастаханәдә. Ул аңында, ди табиблар. Күп җирләре сынган. Хәле стабиль, урта дәрәҗәдәге авырлыкта. Аңа медицина ярдәме күрсәтүне дәвам итәләр. 

Исегезгә төшерәбез, вакыйга 14 январь көнне «Кремлёвская» метросында булды. Лобачевский исемендәге лицейда укучы яшүсмердән нишләп мондый адымга бардың, дип сорагач, ул «яшисе килми» дип җавап биргән.