Минзәлә юлында фаҗига

Бүген, 11 октябрьдә, Минзәлә шәһәре янында (М7 трассасы 1105нче км) коточкыч юл-транспорт һәлакәте булды. Анда ике автобус бәрелеште.

Якынча мәгълүматлар буенча, 12 кеше утырган «КамАЗ» автобусы сулга борылганда Уфадан Чаллыга баручы Yutong автобусына юл бирмәгән. Нәтиҗәдә, беренче транспорт чарасының ике пассажиры урында ук вафат булган, машина йөртүче һәм тагын сигез пассажир зыян күргән, дип хәбәр итә ТР буенча Эчке эшләр министрлыгы.

 Хәзерге вакытта урында автоинспекторлар эшли.

фотолар: Татарстан буенча Эчке эшләр министрлыгыннан