Мобилизацияләнгән ир-атлар гаиләләре өчен яңалык

Мобилизацияләнгән ир-егетләр коммуналь хуҗалыгы өчен түләүләр срогы чыккан очракта пенялар исәпләнүдән азат ителәчәк. ТР Президенты Рөстәм Миңнеханов шул хактагы указны имзалады. Шулай ук капиталь ремонтка взносларны вакытында түләмәгән өчен дә пенялар исәпләнмәячәк. Әлеге указ хәрбиләргә һәм аларның гаилә әгъзаларына кагыла.

Пеняларны исәпләүдән азат ителү өчен, мобилизацияләнгән яки аларның гаилә әгъзалары идарә итү компаниясенә мөрәҗәгать итергә кирәк. Махсус хәрби операциядә катнашуын раслаучы документ - контракт - копиясен күрсәтергә кирәк.