Мошенникларга 5 млн сум акча җибәргән

Чаллыда яшәүче 53 яшьлек ир-ат акчасын арттыру максатыннан интернеттан тапкан «чит ил компаниясенә» өлешләп 5 млн сумнан артык акчасын күчергән.

Вәгъдә ителгән вакытта керем ала алмагач ул үзенең мошенниклар корбаны булуын аңлаган.

Ир-ат хокук саклау органнарына мөрәҗәгать итте. Аның гариза нигезендә РФ Җинаятьләр Кодексының 159 нчы «Мошенниклык» маддәсе буенча җинаять эше кузгатылды. 

Хокук саклау органнары таныш булмаган кешеләргә акча һәм телефонга килгән кодларны җибәрмәскә киңәш итә.