Наил Мәһдиев: “Электросамокатта тротуардан йөрергә тиеш түгелләр!”

Чаллыда электросамокатларны прокатка тапшыру пунктлары юк, һәм якын арада булырга күренми дә. Моннан тыш, электросамокатта хәрәкәт итү кайбер җәмәгать урыннарында бөтенләй тыелган. Табеев ис. яр буенда, ГЭС паркында шәхси мобиль җайланмаларда хәрәкәт итү тыела дигән махсус билгеләр дә урнаштырылган.

“Закон чыкмыйча, инфраструктура булмыйча, Чаллыда электр самокатларын рөхсәт итмибез. Самокат тротуарда йөрергә тиеш түгел, тротуар – җәяүлеләр өчен. Көн саен яңалыклардан күреп торабыз, мондый транспортта күпме кеше зыян күрә ” , - дип белдерде Наил Мәһдиев.