Ноябрьдә салкын буламы?

Ноябрьдә Төньяк-Көнбатыш, Үзәк, Идел буе, Көньяк, Урал һәм Себер федераль округларында температура нормадан югарырак булыр дип фаразлана. 

РФ Гидрометеоүзәгенең фәнни җитәкчесе Роман Вильфанд:

«Россиянең Европа өлешендәге зур территориядә температура нормадан югарырак булыр дип фаразлана. Шулай ук Азия өлешендә дә ноябрь җылы килер дип көтелә»,  – ди. 

Вильфанд әйтүенчә, Ерак Көнчыгышның күпчелек өлешендә, Якутиядә һәм Хабаровск краенда ноябрьдә температура нормага якын булачак. Бары тик Чукоткада, Якутиянең төньяк-көнчыгышында һәм Камчатка краеның төньягында гына аномаль салкыннар көтелә. Әлеге төбәкләргә кыш «иртәрәк килә», дип искәртте галим.