Өендә корал саклаган өчен - 5 ел төрмә

Эзләү чаралары барышында Автоград полициясе оперативниклары Яңа шәһәр микрорайонында яшәүче 64 яшьлек кешенең фатирыннан кулдан эшләнгән револьвер һәм пистолет тапкан. Револьверның элек исәптән чыгарылган корал өлешләрен файдаланып җыелганлыгы ачыкланган. Утлы коралның тагын берсе Р-411 пистолетыннан эшләнгән. Ике пистолет та 10тк калибрлы патронга яраклаштырылган. Хәзерге вакытта чаллылыга 5 елга кадәр ирегеннән мәхрүм ителү яный. Татарстан Эчке эшләр министрлыгы ирекле әйләнештә тыелган предметларны үз теләгең белән тапшыру - җинаять җаваплылыгыннан азат итә, дип кисәтә.