Чаллыда югалган кешеләрне квадрокоптерлар белән эзләячәкләр

Татарстанның   “Орел” отряды волонтерлары Мәскәүдә үткән Xll Халыкара куркынычсыз интернет форумында катнашты. Әлеге отряд югалган һәм зыян күргән балаларга ярдәм күрсәтү Россия милли үзәгенә карый. Чарада волонтерларга кыйммәтле бүләк –  идарә итә торган очкыч - квадракоптер тапшырдылар.

“Хәзер югалган кешеләрне эзләүне тизрәк, нәтиҗәлерәк башкара алачакбыз”, - дип сөенечен уртаклашты “Орел” отряды җитәкчесе Альбина Сәгыйрова. Волонтерлар җиһазны сынап та караган.