Өйдә тору мәслихәт!

Шәһәрдә коронавируска каршы чараларны бозган өчен 4 оешмага карата беркетмә төзелгән. Кискен респиратур вируслы авырулар саны арткан. Бер атна эчендә табибларга 8 730 кеше мөрәҗәгать иткән. Аның 6 000нән артыгы балалар. Туганнан алып 2 яшькә кадәрге, 3-6 яшьлек һәм мәктәп укучылары арасында чирләүчеләр аеруча күп. 30 мәктәптән сиксән тугыз класс укучысы авырган. Хәзерге вакытта гриппның H9N2 штаммы таралган. Шифаханәләрдәге гриппка каршы прививка аңа каршы тора ала, диләр белгечләр. 
Укучылар күп чирләсә дә, шәһәр буенча бу күрсәткеч 20%тан артмый. Шуңа күрә уку гадәти режимда дәвам итә.  Шәһәрнең баш санитар табибы халыкны яңа ел бәйрәмнәрен Чаллыда үткәрергә киңәш итте. «Чит илләргә барып коронавирусның  «омикрон» штаммын алып кайтмагыз. Ул Африка илләрендә ачыкланган иде. Хәзер дөньяның 16 илендә, шул исәптән Европада да авыраучылар бар. Төрле хәлләргә әзер булырга, гаиләдә, хезмәт коллективларында профилактика чараларына игътибарны арттырырга, вакцина ясатуны дәвам итәргә кирәк», – диде ул.