«Озон» ябыла?!

Россиянең иң эре интернет-кибете «Озон»ның өстәмә түләү-җыемнар кертүе компаниянең бөтен ил буенча партнерлары арасында масштаблы протестларга китереп чыгарган.  

Заказ бирү пунктлары хуҗалары яңалыкка ризасызлык белдерә һәм 1 апрельдән эшне туктатырга җыеналар. Бу үзгәрешләр бетерелмәсә,  кибет эшен бөтенләй туктатырга мөмкин. 

«Озон» җитәкчеләре партнерлар белән килешеп эшләргә әзер булуы турында белдерә. Әмма конфликтны җайга салу җиңел булмаячак. Маркетплейслар бүген өстәмә түләүләр хисабына табышны арттырырга омтыла.