Пакетлы чәйнең дөрестән дә зыяны бармы?

Чәйне көнгә берничә мәртәбә эчәргә туры килә. Шуңа күрә кешеләр бу эчемлекнең файдасы турында, кара яки яшел чәй сайларгамы дип уйлана.

Табиб-гастроэнтеролог, медицина фәннәре кандидаты Алексей Парамонов әйтүенчә, күпсанлы тикшеренүләр чәйнең йөрәк-кан тамырлары системасына, кешенең кәефенә һәм психологик халәтенә уңай йогынты ясавын раслаган. Шулай ук кара чәйнең дә, яшел чәйнең дә онкологиягә каршы тәэсире турында әйтелә. 

Ә кап-кайнар чәй эчү киңәш ителми. Мәсәлән Монголиядә үткәрелгән тикшеренүләр күрмәткәнчә, бу илдә яшәүче кешеләрдә үңәч яман шеше барлыкка килү куркынычы зур. Чөнки Монголиядә кап-кайнар чәй эчәләр.

Чәйне ач карынга эчү дә киңәш ителми. Болай иткәндә үңәчкә ашказаны кислотасы бүленеп чыгарга мөмкин.

Яңа пешерелгән чәй файдалырак. Ә кичә пешерелгән чәйдә бактерияләр үрчи.

Шулай ук табиб пакетлы чәйнең яфраклысына караганда зыянлырак дигән уйдырманы да кире какты. Чөнки пакетларга да бик нык вакланган яфраклар салынган була.

фото: https://ru.freepik.com/