Пенсионерларның 1 августтан пенсиясе арта

Җәйнең соңгы аенда быел да пенсиягә индексация көтелә. Бу эшләүче пенсионерларга кагыла. Эш бирүчеләр алар өчен бюджетка иминият кертемнәрен күчерә, алар барлык иминият пенсияләрен түләүгә тотыла. 
Август өстәмәсенә 5,9 млн кеше өметләнә ала. Бу – якынча һәр алтынчы пенсионер дигән сүз. 
Быелның июнь аенда Россиянең социаль фонды мәгълүматлары буенча, аларның уртача пенсиясе аена 23 737 сум тәшкил итә. Чагыштыру өчен, эшләмәүче пенсионерларның уртача пенсиясе – 25 838 сум. Мондый аерма шактый гади аңлатыла.
Берничә ел дәвамында эшләүче пенсионерларга инфляция дәрәҗәсенә индексация уздырылмады, ул һәр ел башында уза. Финанс министрлыгында эшләүче пенсионерларның керемнәре болай да җитәрлек дип санаганнар. Алар бит пенсия дә, хезмәт хакы да ала.
2025 елдан башлап индексацияне яңарттылар. Хәзер эшләүче пенсионерлар ел башында да (алдагы инфляция дәрәҗәсенә), августта да өстәмә ала. Һәм якындагы елларда аларның уртача пенсияләре эшләмәүчеләрнең уртача керемнәрен узып китәчәк.
Дөрес, хезмәт хокукларын яңадан исәпләгәндә кайбер чикләүләр бар. Өстәмә хезмәт хакына бәйле. Кеше күбрәк эшләгән һәм бюджетка иминият кертемнәрен күчергән саен, пенсия дә шулкадәр артачак. Әмма лимит бар. Өч пенсия баллыннан да артык өстәмәскә мөмкиннәр. 2026 елда аның бәясе 156 сум 76 тиен тәшкил итә. Ягъни, эшләүче пенсионер исәп тота ала торган максимум – аена 470 сум.