Популяр җырлар авторы вафат

Кичә популяр җырлар авторы, Татарстанның атказанган мәдәният хезмәткәре Габдразак Мингалиев вафат булган.  

Ул язган җырларны халкыбызның яраткан җырчылары Салават Фәтхетдинов, Резидә Шәрәфиева, Рөстәм Закиров, Закир Шаһбан, Зөлфия һәм Җәвит Шакировлар  башкара. 

Танылган композиторны бүген Балык Бистәсе районы Масловка авылыннан соңгы юлга озатачаклар. Җәсәде шул районның Олы Елга авылы зиратына җирләнә. 

фото «Матбугат ру»