Профессор Анатолий Макаров: «Мин ришвәт алмадым»

Чаллы судына КФУның Чаллыдагы филиалының экс-директоры, профессор Анатолий Макаровны алып килделәр. Ул Төркмәнстан студентларыннан ришвәт алуда гаепләнә. Хокук сакчылары белдерүенчә, акча ВУЗга керү өчен, экзамен-зачетлар тапшырту өчен 5нче курс студенты аша тапшырыла.

Суд утырышы башланыр алдыннан Анатолий Макаров журналистлар соравына җавап бирде.

"Гаебемне дәлилләүче фактлар күрсәтелмәде. Мин беркемнән дә акча алмадым", - диде ул.

61 яшьлек Анатолий Макаровны ике адвокат яклый. Берсе - "Рыбак, Коган һәм партнёрлар" адвокатлар коллегиясе адвокаты Руслан Губаев, икенчесе - Илдар Нигъмәтуллин (ред. ул аның элек студенты иде).

Профессорны яклап суд каршысына студентлар җыелуы турында билгеле.