Путин Чаллының 2 эшчесен зурлады

Россия Президенты Владимир Путин Чаллы «Ремдизель» предприятиесенең ике эшчесен зурлады.

Генераль директор урынбасары, баш конструктор булып эшләүче Игорь Захаровичка икенче дәрәҗәдәге «Ватан алдындагы казанышлары өчен» орден медален тапшырдылар. Слесарь Владислав Рагузинга «РФ атказанган машина төзүчесе» мактаулы исеме бирелде. 

Дәүләт башлыгының тиешле указы бүген хокукый мәгълүматның рәсми интернет-порталында пәйда булды. Документ 6 августта имзаланган.