Рамазан аенда «Җәмигъ» мәчете төзелешенә акчалата ярдәм итүчеләр күбәйгән

Бу хакта "Шәһри Чаллы" редакциясенә "Җәмигъ" мәчете төзелеше попечительлек советы җиткәчелеге хәбәр итте. Рамазан - изге гамәлләр ае. "Счётка акча җибәрүчеләр күп. Сайтыбыз аша да кем - 1 мең сум, кем 2 мең сум җибәрә. Әлегә төгәл күпме акча җыелганын әйтә алмыйбыз. Апрель ахыры - май башында билгеле булачак", - диделәр.

Шунысы мәгълүм, ел башыннан 3 ай эчендә мәчет төзелешенә 6 миллион ярым сум тирәсе акча җибәргәннәр. Иң күбе "РБР-16" компаниясеннән. Ул счётка 2 миллион сум күчергән. Исегезгә төшерәбез, компания җитәкчесе Таһир Сөнгатуллин хәйрия йөзеннән мәчет төзелешенә еш ярдәм итә. (Бу хакта без монда язган идек)