Республика ифтарына 13 мең мөселман киләчәк

Чараны оештыручылар ифтарда волонтер булып катнашырга теләүчеләрне чакыра. Ярдәм итәргә теләүчеләргә 16 яшь тулган булырга тиеш. Чара 15 сәгатькә кадәр сузылачак, ди оештыручылар. Шуңа да үз көчләреңне чамаларга кирәк. Волонтёр буларак катнашырга теләүчеләргә muslimmol.ru сайтында регистрация узарга кирәк. Барлыгы 800 волонтер катнашыр дип көтелә.

2024нче елда республика ифтарында 12 меңгә якын мөселман катнашты. Бирегә Россиянең башка төбәкләреннән дә җыелдылар. Быел исә кунаклар саны 13 меңгә кадәр җитәчәк. 

Фото ТР Рәисе Рөстәм Миңнеханов сайтыннан